Мәжит Ғафури исемендәге Башҡорт дәүләт академия драма театры театр сәнәғәте үҫешенә өлөш индергән өсөн Федор Волков исемендәге Рәсәй Хөкүмәте премияһы лауреаты булды. Рәсәй Федерацияһы Премьер-министры Дмитрий Медведевтың ҡултамғаһы менән тейешле бойороҡ Рәсәй Хөкүмәте сайтында баҫылып сыҡты.
Мәртәбәле премияға лайыҡ булыусылар исемлегендә: «Тирмәкәй» Вологод өлкә ҡурсаҡ театры һәм Әли Шогенцуков исемендәге Ҡабарҙы дәүләт драма театрының алдынғы драма артисы, РСФСР-ҙың атҡаҙанған артисы, Ҡабарҙы-Балҡар Республикаһының халыҡ артисы Кунь Жакамухова.
Премия ижади эшмәкәрлеге профессиональ театр сәнғәтен үҫтереүгә тос өлөш индергән провинциаль театрҙарға, театр-тамаша ойошмалары һәм ижади хеҙмәткәрҙәренә бирелә.
Белешмә өсөн: Федор Волков исемендәге премия 1999 йылда ойошторолған. Беренсе профессиональ театр булып 1756 йылдың 30 авгусында ойошторолған «Трагедия һәм комедия спектаклдәре өсөн рус театры» һанала. Ул Рәсәйҙең Император театрҙарына нигеҙ һалған, ә «беренсе рус актеры» итеп, рус театрын ойоштороусы булып иҫәпләнгән, Федор Волков тәғәйенләнгән.