Үткән ялдарҙа Туапсе ҡалаһының «Орленок» балалар үҙәгендә XXIII Бөтә Рәсәй визуаль сәнғәт фестивале уҙҙы, ул күренекле режиссер Станислав Говорухин иҫтәлегенә бағышланды. Ошо тураһында «Шонҡар» Башҡортостан йәштәр журналы редакцияһы хәбәр итте.

Башҡортостандан танылған режиссер Руслан Юлтаевтың «Кластан тыш дәрес» фильмы бер юлы ике номинацияла еңеп сыҡты. «Кино сәнғәтендә балалар» номинацияһында төп ролде башҡарыусы Азамат Шаһисолтанов еңеүсе тип билдәләнде. Ә фильм режиссеры Руслан Юлтаев фестивалдең «Донъя изгелеге өсөн» тигән махсус премияһына лайыҡ булды. Шулай уҡ Башҡортостандан «Һеңлекәш» фильмы ла еңеүселәр рәтендә. Төп ролде башҡарыусы Марта Тимофеева «Иң яҡшы бала роле» номинацияһында еңеп сыҡты, ә фильм актеры һәм режиссеры Александр Галибин йәнә «Донъя изгелеге өсөн» махсус премияһына эйә булды.

Әйткәндәй, фстивалдә Рәсәйҙең 80 төбәгенән 4 меңгә яҡын бала, 120 билдәле актер һәм режиссер ҡатнашҡан.