Быйыл  5-15 ноябрҙә  Екатеринбурга «Коляда-Plays» халыҡ-ара заманса драматургия фестивале уҙасаҡ.

Фестивалдә Мәжит Ғафури исемендәге Башҡорт драма театрының 12 йәштән өлкәнерәктәр өсөн тәғәйенләнгән «Баллы, тирәкле Балтирәк» спектакле  ингән.

Ангиза Ишбулдинаның лирик комедияһы тәүгә тамашасы хөкөмөнә быйыл яҙ тәҡдим ителгәйне.

… Ауыл юл уртаһында түгел, йылғаның арғы яғында ултыра. Бында бөтә нәмә бар – мәктәп тә, ауыл мәҙәниәт йорто ла, ферма ла, ике тиҫтә йорттар теҙелгән, ә бына кешеләр аҙ. Ултырған урыны – шәп! Ҡаланыҡылар арыған саҡтарында «Эх, бына ауылға һыпыртырға ине. Унда тәбиғәт ҡосағында рәхәт, тыныс» - тип әйтеп ҡуйған ваҡытта, улар тап ошо Балтирәк ауылын күҙ алдына килтерәләр.