16 июндә Баймаҡ районының Темәс ауылында  “Бауырһаҡ” байрамы үтте. Был сара тәүге тапҡыр былтыр ойошторолдо. Сарала Баймаҡ районы ауылдарының оҫтабикәләре ҡатнашты, шулай уҡ күрше төбәктәрҙән ҡунаҡтар саҡырылғайны. Бауырһаҡ – башҡорт халҡының милли ризығы һәм был фольклор байрам Темәс ауылының брендына әүерелә бара. 

Бауырһаҡ – иң татлы милли ризыҡтарыбыҙҙың береһе. Башҡорт халҡы уны элек-электән туй һәм башҡа оло табындар өсөн әҙерләр булған. Килендең уңғанлығы ла туй мәжлесенә алып килгән ошо күстәнәскә ҡарап билдәләнгән.