«Йәшлек” гәзите хәбәр итеүенсә, 2012 йылдан алып үткәрелгән "Ҡош юлы" республика бард фестивале быйыл тәүгә икенсе урында - Әбйәлил районында ойоштороласаҡ. Бығаса фестиваль Ейәнсурала, Таҙлар ауылы янында Һүрәм йылғаһы буйында үтә ине. Быйылғыһы 16-18 июндә уҙғарыласаҡ. Әле сарала ҡатнашыусыларҙы һайлау иғлан ителде. Улар Экология һәм айырыуса һаҡланған биләмәләр йылына һәм шағир Рәмил Ҡол-Дәүләт ижадына арнап сығыш яһаясаҡ. Ғаризалар ике йүнәлештә ҡабул ителә: авторҙар һәм башҡарыусылар, дуэт менән сығыш яһарға мөмкин. 16 йәштән һәм өлкәнерәктәр үҙ көстәрен һынай ала. Бардтар йырҙарын гитара йәки башҡа акустик инструменттар оҙатыуында башҡарырға тейеш.